Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shkrimtari dhe veprimtari, Kadri Rexha e ka kujtuar Radio Kosovën e Lirë, në Ditën Ndërkombëtare të Radios. ai ka thënë se kjo radio është zë i veçantë i dëshmorëve të lirisë dhe i aspiratave të kombit shqiptar. “Në Ditën Ndërkombëtare të Radios i kujtoj me nostalgji dhe respekt dy shtëpitë tona legjendare radiofonike: Radio Kukësin e epokës së Enver Hoxhës dhe Radio Kosovën e Lirë të epokës së Adem Jasharit. Dikur, Radio Kukësi, zë besnik i Kosovës martire, vatër tradite, kulture dhe shprese i binte pa pushim kambanës së zgjimit kombëtar për të gjithë shqiptarët e të gjitha trevave të robëruara të Shqipërisë Etnike, vite më vonë, pishtarin e kushtrimit të luftës dhe zërin e fitores, duke dhënë konkretisht shembullin e flijimit dhe të ngadhënjimit, e mori Radio Kosova e Lirë. Atë që për dëgjuesit dikur e bënte Radio Kukësi sot po e bën Radio Kosova e Lirë, ky zë i veçantë i dëshmorëve të lirisë dhe i aspiratave të kombit”, ka shkruar ai.
