Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizatat e shoqërisë civile kanë reaguar ndaj angazhimit të asistentëve personalë nga ana e deputetëve, në një kohë kur Kuvendi ende nuk është funksionalizuar plotësisht. Eugen Cakolli nga KDI ka thënë se, ndonëse ligjërisht nuk ka ndalesë, mungon një bazë e qartë ligjore dhe administrative për këtë veprim, pasi organet e Kuvendit nuk janë ende aktive. Sipas tij, është e pakuptimtë që deputetët të kenë staf personal pa zhvilluar funksione reale parlamentare. Ai e ka cilësuar këtë veprim si jologjik dhe të dëmshëm etikisht. Edhe Kenan Gashi nga Avonet ka thënë se deputetët nuk kanë nevojë për asistentë, pasi puna e tyre duhet të fokusohet në komisione, të cilat aktualisht nuk funksionojnë. Ai ka shtuar se angazhimi i stafit është më shumë simbolik dhe përfitues sesa funksional. Sipas organizatave, kjo praktikë është në kundërshtim me frymën e përgjegjshmërisë ndaj parasë publike.
