Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Kampin Film City në Prishtinë, u realizua një trajnim i përbashkët për evakuim mjekësor ajror, ku morën pjesë njësitë mjekësore të ushtrive të Shteteve të Bashkuara të Amerikës, Hungarisë, Gjermanisë dhe Zvicrës. Trajnimi u fokusua në mënyrat e ngarkimit dhe shkarkimit të pacientëve gjatë operacioneve ajrore, duke simuluar kushte reale të evakuimit të të plagosurve. Misioni i KFOR-it ka theksuar se ky stërvitje ka për qëllim që shtetet pjesëmarrëse të jenë të gatshme të reagojnë në mënyrë të standardizuar dhe efektive në rast të krizave mjekësore. KFOR vazhdon të zbatojë mandatin e tij për të siguruar një ambient të sigurt dhe të qetë për të gjithë qytetarët dhe komunitetet në Kosovë, duke garantuar lirinë e lëvizjes dhe duke bashkëpunuar ngushtë me Policinë e Kosovës dhe Misionin e BE-së për Sundimin e Ligjit .
