Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Doarsa Kica-Xhelili, ka reaguar ashpër ndaj tentativës së Lëvizjes Vetëvendosje për të ndryshuar mënyrën e votimit për zgjedhjen e Kryetarit të Kuvendit nga votim i hapur në të fshehtë, në mes të procesit. Kica-Xhelili e ka cilësuar këtë veprim si shkelje të Rregullores së Punës së Kuvendit dhe si një sjellje që bie ndesh me parimet e funksionimit demokratik të institucionit. Ajo ka theksuar se Rregullorja, e mbështetur edhe nga interpretimet e Gjykatës Kushtetuese, nuk lejon ndërhyrje të tilla në mënyrën e votimit pasi procesi ka nisur. “Rregullorja nuk është vetëm një akt i brendshëm, por një normë ndihmëse kushtetuese. Pushteti po sillet si hipokrit, bllokues dhe i papërgjegjshëm”, ka deklaruar ajo.
