Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e LDK, Doarsa Kica-Xhelili, ka theksuar se qëndrimi i partisë së saj për të mos hyrë në koalicion me LVV vazhdon të mbetet i pandryshuar. Ajo ka theksuar se ky është një parim i qartë dhe i palëkundur për LDK-në, dhe që nuk është i kushtëzuar nga asnjë faktor. Kica-Xhelili ka shtuar se hendeku i madh që ekziston mes LDK-së dhe LVV-së është shndërruar në një “mur të palëvizshëm”, dhe kjo nuk ka të bëjë vetëm me diskursin politik, por edhe me mënyrën e qeverisjes së LVV-së në Kosovë. Ajo vuri në dukje se, edhe pse pas zgjedhjeve ka pasur ndryshime në qëndrimet e disa partive, LDK-ja ka mbajtur qëndrim të qartë, duke u shprehur se ftesa e LVV-së për bashkëpunim nuk ka gjetur mbështetje në radhët e LDK-së. Kica-Xhelili theksoi gjithashtu se LDK-ja nuk ka planifikuar asnjë takim me LVV-në dhe se çdo ftesë e tillë është jashtë suazave të takimeve normale dhe nuk është pjesë e procesit formal të konsultimeve.
