Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Mbrojtjen e të Drejtave dhe Lirive të Njeriut ka ngritur shqetësim të madh për kushtet e rënda të punës në sektorin e ndërtimtarisë. Kryetari i KMDLNj-së, Behxhet Shala, ka thënë se punëtorët po punojnë në temperatura që arrijnë deri në 38 gradë Celsius, shpeshherë pa masa mbrojtëse dhe pa orar të përcaktuar pune. Shala ka kritikuar institucionet shtetërore për mungesë veprimi, duke thënë se Policia dhe Prokuroria merren vetëm me pasojat tragjike, si lëndimet, invaliditeti apo humbjet e jetës, e jo me parandalimin e tyre. Ai kërkoi që të merren masa urgjente për të mbrojtur të drejtat dhe shëndetin e punëtorëve, duke theksuar se shumë prej tyre punojnë në kushte të rënda për të mbajtur gjallë familjet e tyre.
