Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i misionit të NATO-s në Kosovë, gjeneralmajor Enrico Barduani, ka zhvilluar sot një takim të rëndësishëm me ambasadorët e vendeve kontribuuese të trupave paqeruajtëse, në shtabin qendror të KFOR-it në Camp Film City, Prishtinë. Në njoftimin zyrtar të KFOR-it thuhet se gjatë takimit u diskutua një gamë e gjerë çështjesh që lidhen me zhvillimet e fundit të sigurisë në rajon, me fokus të veçantë situatën në Kosovë pas mbajtjes së zgjedhjeve parlamentare në muajin shkurt.
Gjithashtu, pjesë e diskutimit ishte edhe takimi i fundit i komandantit Barduani me përfaqësuesin special të Bashkimit Evropian për dialogun Kosovë-Serbi, Peter Sorensen, si dhe bashkëpunimi i vazhdueshëm i KFOR-it me aktorët ndërkombëtarë dhe komunitetet lokale. “Të gjithë pjesëmarrësit theksuan rëndësinë e rolit që KFOR-i vazhdon të luajë në garantimin e sigurisë dhe stabilitetit në rajon, dhe nevojën për bashkërendim të përpjekjeve për një të ardhme të qëndrueshme për të gjitha komunitetet në Kosovë”, thuhet në deklaratën e KFOR-it.
