Komiteti për Komunitete në Malishevë mbajti takimin e fundit

15/09/2017 Institucionet

Komiteti për Komunitete, organ i Kuvendit të Komunës së Malishevës, i drejtuar nga zëvendës kryesuesi i komitetit, Islam Vrenezi, ka mbajtur mbledhjen e nëntë për këtë vit dhe të fundit për këtë mandat. Në këtë mbledhje, komiteti ka dhënë disa rekomandime, të cilat pritet të prezantohen në mbledhjen e ardhshme të Kuvendit të Komunës.

Në këtë mbledhje, anëtarët e komitetit, pas shqyrtimit të projekt buxhetit për vitin e ardhshëm, kanë dhënë disa rekomandime, që kanë të bëjnë me komunitetin RAE, për realizimin e disa projekteve, në vendbanimet ku jeton ky komunitet, siç janë ndërtimi i një kanalizimi, pastaj krijimi i sigurisë në trafik për nxënësit dhe disa propozime tjera.

Në këtë mbledhje, gjithashtu u dha edhe një njoftim për vizitat e realizuara në dy shkolla fillore, ku mësojnë nxënës të komunitetit RAE, dhe siç u tha në këtë njoftim, të gjithë nxënësit janë të barabartë dhe nuk është shënuar ndonjë shkelje apo ndonjë formë e diskriminimit të nxënësve të këtij komuniteti.

Kontrolloni gjithashtu

Bashkim Ramosaj: Në 25-vjetorin e Aleancës për Ardhmërinë e Kosovës, ndjeva krenari dhe motiv të jashtëzakonshëm për rrugën përpara

Me besim në Zot, Atdhe e Shtet – përherë dhe përgjithmonë! Në 25-vjetorin e Aleancës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara