Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bllokada e institucioneve në Kosovë po rrezikon të ngadalësojë edhe më tej procesin e integrimit evropian, në një moment kur vendi kishte mundësi të rikuperonte dëmet nga vitet e fundit. Komisionarja për Zgjerim e Bashkimi Evropian, Marta Kos, ka shtyrë vizitën e saj në Kosovë, duke e lidhur këtë vendim me zhvillimet e fundit politike dhe mungesën e institucioneve funksionale. Sipas gazetarit për çështjet evropiane, Augustin Palokaj, vazhdimi i krizës mund të ketë pasoja konkrete për Kosovën, përfshirë rrezikun e humbjes së fondeve nga Plani i Rritjes i BE-së dhe projekte të tjera financiare. Palokaj paralajmëron gjithashtu se situata aktuale mund të pengojë përpjekjet e Kosovës për anëtarësim në Këshilli i Evropës dhe ta bëjë edhe më të pasigurt shqyrtimin e aplikimit të saj për anëtarësim në BE.
