Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komiteti për Komunitete, organ i obliguar i Kuvendit të Komunës së Malishevës, i drejtuar nga kryesuesi, z.Labinot Gashi, ka mbajtur mbledhjen e radhës, ku janë diskutuar raporti i punës për vitin e kaluar dhe plani i punës së Këshillit Komunal për Siguri në Bashkësi (KKSB) për vitin 2016, si dhe janë dhënë edhe disa rekomandime nga ana e anëtarëve të komitetit, për KKSB-në, e që kanë të bëjnë me sigurinë në përgjithësi.
Gjatë shqyrtimit të planit të punës së KKSB-së, për vitin 2016, anëtarët e Komitetit për Komunitete, thanë se “pavarësisht se është përfshi në këtë plan edhe siguria në shkolla, duhet të bëhet më shumë për rritjen e sigurisë, sidomos në komunikacion, në afërsi të shkollave, si dhe çështje tjera që lidhen me sigurinë e grupeve të caktuara, si nxënësit, pastaj siguria në komunikacion afër qendrave mjekësore dhe të tjera”.
Komiteti për Komunitete, ka diskutuar edhe për zbatimin e planit të punës, për muajin në vijim, ku janë paraparë një varg aktivitetesh, si vizita në vendbanimet ku jetojnë komunitetet pakicë, në shkollat ku shkojnë fëmijët e këtij komuniteti dhe të tjera.
