Komuna e Ferizajt pret Komisionin Qendror për Vlerësimin e Dëmeve pas reshjeve të fundit të shiut

16/02/2026 Institucionet

Kryetari i Komunës së Ferizajt, Agim Aliu, së bashku me Nënkryetarin Lulzim Aliu, gjatë ditës së sotme kanë pritur në takim Komisionin Qendror për Vlerësimin e Dëmeve, i cili vepron në bazë të Ligjit për Mbrojtjen nga Fatkeqësitë Natyrore dhe Fatkeqësitë e tjera.

Komisioni u kryesua nga Kastriot Lajqi, Kryesues i Komisionit Qendror për Fatkeqësi Natyrore dhe Fatkeqësi të tjera, ndërsa pjesë e tij ishin edhe anëtarët Fatos Selimi dhe Bashkim Mehmehaj.

Gjatë takimit, përfaqësuesit komunalë i njoftuan anëtarët e komisionit nga afër me dëmet e shkaktuara nga reshjet e fundit të shiut. Sipas vlerësimeve paraprake, dëme janë evidentuar në sektorin e ekonomive familjare, në bujqësi si dhe në biznese të ndryshme në territorin e komunës.

U theksua se ekipet komunale kanë qenë në terren për evidentimin e dëmeve dhe për ofrimin e ndihmës së parë për qytetarët e prekur. Ndërkohë, Komisioni Qendror do të vazhdojë me procedurat ligjore për vlerësimin zyrtar të dëmeve, me qëllim të mundësimit të kompensimit për familjet dhe bizneset e dëmtuara.

Kontrolloni gjithashtu

Zbatimi i ligjit është obligim i të gjithëve

Komuna e Skenderajt është duke zbatuar vazhdimisht dhe pandërprerë legjislacionin në fuqi, duke i informuar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara