Brickos

Komuna e Malishevës bashkë me KDI, kanë filluar mbajtjen e dëgjimeve publike për buxhet

06/08/2019 Institucionet

Komuna e Malishevës, në bashkëpunim me Institutin Demokratik të Kosovës (KDI), kanë filluar mbajtjen e takime me qytetarë, në vendbanime, në kuadër të mbajtjes së dëgjimeve publike, për hartimin e projekt buxhetit 2020-2022, me theks të veçantë për hartimin e buxhetit për vitin 2020. Të martën janë mbajtur takime me banorët në fshatrat Temeqinë dhe Kërvasari. Përmes këtyre takimeve me qytetarë nëpër vendbanime, synohet që të arrihet nxjerrja e nevojave dhe prioriteteve që kanë vendbanimet, në mënyrë që përmes kërkesave të marra drejtpërdrejt nga qytetarët dhe grupet tjera të interesit, të hartohen prioritetet për investimet kapitale që do të parashihen për vitin 2020, por edhe për prioritetet për tri vitet në vazhdim, sipas qarkores buxhetore. Në këto takime, bashkë me zyrtarët e KDI-së, ka marrë pjesë edhe drejtori komunal për buxhet dhe financa, Valon Mazreku, i cili i ka sqaruar qytetarët  për mundësitë buxhetore që parashihen, në mënyrë të veçantë për investimet kapitale. Në këto takime, drejtori Mazreku, i ka marrë të gjitha kërkesat e banorëve të këtyre dy fshatrave, ndërsa takimet do të vazhdojnë në ditët në vijim, në fshatrat dhe vendbanimet tjera dhe në fund të takimeve, do të hartohet edhe lista e investimeve kapitale, bazuar në kërkesat dhe prioritet që kanë qytetarët e Komunës së Malishevës.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara