Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht premtimit të Bashkimit Evropian për të ndarë 6 miliardë euro për Ballkanin Perëndimor deri në vitin 2027, Kosova deri më tani nuk ka përfituar asnjë shumë nga ky fond. Brenda këtij kuadri financiar, Kosovës i janë dedikuar rreth 900 milionë euro në kuadër të Planit të Rritjes, por disbursimi i tyre ka mbetur pezull. Sipas burimeve nga Brukseli dhe institucione vendore, arsyeja kryesore për këtë ngërç është moszbatimi i reformave të kërkuara dhe mospërmbushja e kritereve të qarta që i paraprijnë fondeve. Këto përfshijnë avancimin në sundimin e ligjit, funksionalizimin e mekanizmave anti-korrupsion, si dhe përparimin në marrëdhëniet me Serbinë përmes zbatimit të marrëveshjeve të dialogut të ndërmjetësuar nga BE-ja. Vonesat politike të brendshme në Kosovë, përfshirë krizën aktuale qeveritare dhe tensionet institucionale, kanë krijuar paqartësi për palën evropiane lidhur me partneritetin dhe zbatueshmërinë e projekteve strategjike. Ekziston rreziku real që fondet e dedikuara për Kosovën të ri destinohen apo të shfrytëzohen në mënyrë të kufizuar.
