Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova, Shqipëria dhe Kroacia kanë nënshkruar një marrëveshje të re bashkëpunimi në fushën e mbrojtjes, me fokus të veçantë në forcimin e industrisë së mbrojtjes dhe shkëmbimin e personelit për trajnime dhe edukim. Ministrat e Mbrojtjes të tri vendeve, Ejup Maqedonci, Pirro Vengu dhe Ivan Anusiç, shprehën angazhimin për të përballuar çdo kërcënim që mund të vijë ndaj sigurisë së rajonit. Ky bashkëpunim, sipas Maqedoncit, nuk ka për qëllim të kërcënojë asnjë shtet, por të dërgojë një mesazh të qartë ndaj atyre që duan të destabilizojnë Ballkanin. Ministri i Mbrojtjes i Kosovës, Maqedonci, theksoi gjithashtu rëndësinë e këtij bashkëpunimi për t’u përballur me kërcënimet moderne, përfshirë kërcënimet hibride dhe ato jonkonvencionale. Ky hap vjen pas zhvillimeve të fundit në fushën e mbrojtjes dhe mbështetjes për integrimin e Kosovës në NATO, duke e afruar atë me strukturat euro-atlantike.
