Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohës të rrethanave ekonomike në vendin tonë thonë se Kosovës iu kanë shterur të gjitha mundësitë për ta sfiduar kompaninë amerikane, ContourGlobal, në lidhje me kontratën për Termocentralin “Kosova e Re”. Tri vjet më parë, Kosova përfundoi në Gjykatën Ndërkombëtare të Arbitrazhit, pasi kompania amerikane e fajësoi për mosrespektim të kontratës për ndërtimin e termocentralit të ri. Javën e kaluar u bë e ditur se Kosova e ka humbur arbitrazhin dhe, për më tepër, detyrohet t’i paguajë njëzet milionë euro dëmshpërblim kompanisë amerikane. Ish-avokati i përgjithshëm shtetëror i Kosovës, Sami Istrefi ka thënë për Radion-Evropa e Lirë se e kam parë vendimin e Gjykatës Ndërkombëtare të Arbitrazhit dhe sipas vlerësimit tim, të gjitha provat e mundshme në favor të Kosovës janë shterur në këtë procedurë të arbitrazhit.
