Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Pavarur Mbikëqyrës për Shërbimin Civil ka anuluar konkursin për pranimin e 21 diplomatëve të rinj në Ministrinë e Punëve të Jashtme dhe Diasporës, duke konstatuar shkelje të rënda ligjore në proces. Sipas vendimit të KPMSh-së, kriteret janë ndryshuar në mënyrë të paligjshme, janë shkelur rregulloret për klasifikimin e vendeve të punës dhe është përdorur një vendim i pavlefshëm për të mbështetur procedurën. Kjo është goditja e radhës ndaj ministrisë që udhëhiqet nga Donika Gërvalla-Schwarz, e cila më herët është përballur me akuza për largim të paligjshëm të diplomatëve të certifikuar, vendim që tashmë është shpallur i kundërligjshëm nga gjykata dhe Avokati i Popullit. Kritikët thonë se vendimet e ministres synojnë kapjen institucionale dhe emërimin e njerëzve të afërt me pushtetin aktual në pozita kyçe diplomatike. Tash mbetet të shihet nëse ministrja Gërvalla do ta zbatojë këtë vendim të KPMSh-së apo do ta injorojë, ashtu siç ka ndodhur me vendime të tjera që e kanë vënë në pikëpyetje ligjshmërinë e veprimeve të saj.
