Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti i ka bërë thirrje mërgatës që të regjistrohen për të votuar në zgjedhjet e 9 shkurtit. Ai ka kërkuar nga diaspora që të jenë të vëmendshëm ndaj kësaj thirrje meqë sipas kryeministrit, Albin Kurti, mërgimtarët e kanë ngatërruar regjistrimin e popullsisë me regjistrimin për votim. “Kanë mbetur vetëm edhe pak ditë afat që të regjistroheni për të votuar në zgjedhjet e ardhshme të 9 shkurtit. Për të shfrytëzuar të drejtën për të votuar duhet të regjistroheni online në faqen e Komisionit Qëndror Zgjedhor, e ku afati i fundit është data 26 dhjetor 2024, pra dita e enjte. Pa këtë regjistrim, nuk mund të votoni. Por, keni vëmendjen e shtuar, shumë prej bashkatdhetarëve po mendojnë që regjistrimi për censusin e popullsisë gjatë verës është i njëjti me regjistrimin për të votuar. Nuk është. Këto janë dy procese të ndara” ka thënë mes tjerash kryeministri, Albin Kurti.
