Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj, ka përkujtuar sot martirët e fshatrave Beleg dhe Irzniq të Komunës së Deçanit, në 19 vjetorin e masakrës. Haradinaj, tha se masakra në Beleg, por edhe rënia heroike e dëshmorëve të Kosovës të rënë në fshatin Irzniq si dhe të rënët në përballje me pushtuesin në Betejën e Shishmanit të Bokës, janë dëshmi e përpjekjes për liri dhe pavarësi të Kosovës.
“Kujtojmë sot martirët e Belegut dhe Irzniqit, të cilët u vranë dhe u masakruan 19 vjet më parë, 33 prej të cilëve ende janë të pagjetur. Poashtu, me krenari përulemi para aktit heroik të dëshmorëve të Kosovës të rënë në përballje me pushtuesin në Betejën e Shishmanit të Bokës. Përulemi para veprës të të gjithë dëshmorëve e martirëve, që u flijuan për lirinë e Kosovës. Lavdi!”, tha kryeministri Haradinaj.
