Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama po pritet në mënyrë madhështore nga mërgata shqiptare që jeton dhe punon në Greqi. Duke komentuar aktivitetin e disa protestuesve grek kundër vizitës së tij, ai ka theksuar se protesta me fletushka qesharake të frymëzuara nga i ashtuquajtur nga VorioEpir, që kanë bërë kërcime ndaj meje, më krijojnë vetëm keqardhje. “VorioEpir është term i vdekur me kohë dhe vakt, ka vdekur bashkë me çdo ëndur të qarqeve të individëve të dalë boje këtyre anëve. Kush e përdor këtë term kur flet për jugun e Shqipërisë tregon dritëshkurtësi për të jetuar në shekullin 21. Janë fosile për gjynah” ka theksuar para masës së madhe të diasporës shqiptare në Greqi, kryeministri i Shqipërisë Edi Rama. Ai ka komentuar edhe ndalimin e gazetarëve shqiptar nga autoritet greke për ta pamundësuar raportimin e tyre për takimin e kryeministrit, Edi Rama me diasporën shqiptare. “Dua t’u shpreh keqardhjen të gjithë gazetarëve të ardhur dje nga Shqipëri për të ndjekur takimin sot të cilët u bllokuan disa orë në kufi për arsye të panjohur prej ne, por dua të falënderoj ministrin e jashtëm grek për ndërhyrjen e tij dhe zhbllokimin e një situata absurde” ka theksuar kryeministri, Edi Rama.
