Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri aktual i Sllovenisë, Janez Jansha, ka reaguar sërish pas raportimit të mediave sllovene lidhur me skandalin e madh financiar, që ka plasur këto ditë atje, ku përfshihen kandidati për kryeministër i Sllovenisë, Robert Golob dhe ambasadori i Kosovës, Martin Berishaj. Gazetari slloven, Bojan Pozhar, i cili po e përcjell këtë skandal, ka postuar më herët një informatë ku thotë se afera e publikuar ku përfshihet ambasadori Berishaj, ka “dridhur” Slloveninë dhe Ballkanin, përcjell Demokracia.com. Nuk ka kaluar shumë kohë dhe i njëjti postim i tij është rishpërndarë nga Janez Jansha. Sa i përket këtij skandali, kandidati tjetër për kryeministër, Robert Golob, sipas mediave sllovene, ka pranuar 600 mijë euro të dyshimta nga ambasadori i Kosovës, Martin Berishaj. Golob në një debat me kryeministrin Jansha, deklaroi se ky i fundit dhe ambasadori Berishaj janë miq. Si kundërpërgjigje, Jansha e konfirmoi se e njeh Berishajn, kryetarin e Shoqatës Kulturore Shqiptare në Slloveni, por mohoi të ketë lidhje shoqërore me të.
