Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Isa Mustafa ka pritur sot në takim Auditorin e Përgjithshëm, Besnik Osmani, me të cilin bisedoi në lidhje me reformën e menaxhimit të financave publike si dhe zbatimin e standardeve dhe praktikave evropiane të auditimit në sektorin publik. Kryeministri, me këtë rast, shprehu përkrahjen e Qeverisë për institucionin e Auditorit të Përgjithshëm, duke siguruar se do të respektohet plotësisht pavarësia funksionale, financiare dhe operative e Zyrës së Auditorit të Përgjithshëm. Në anën tjetër, Auditori i Përgjithshëm ka njoftuar kreun e Qeverisë në lidhje me përgatitjet që po bëhen për zbatimin e ligjit të ri për Auditorin e Përgjithshëm, bashkëpunimin me organizatat ndërkombëtare të auditimit dhe planet afatmesme për zhvillimin e sektorit të auditimit në Kosovë. Ai, po ashtu, ka kërkuar përkrahjen e Qeverisë së Kosovës për sigurimin e një hapësire publike ku Zyra e Auditorit të Përgjithshëm do të mund të zhvillojë aktivitetin e vet.
