Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri serb, Aleksandër Vuçiq, menjëherë pas vendimit skandaloz të Tribunalit të Hagës për lirimin nga të gjitha akuzat për krime lufte të Vojsllav Sheshelit, i ka dalë në mbrojtje ish-shefit të tij gjatë kohës sa ishte pjesë e Partisë Radikale. Siç përcjellin mediet, Vuçiq është shprehur se është krenar që Qeveria e tij ka mbrojtur ligjet dhe dinjitetin e Serbisë, përfshirë edhe dinjitetin e Sheshelit. “Jam krenar që Qeveria e Serbisë ka mbrojtur ligjet dhe dinjitetin e Serbisë, të qytetarëve të saj dhe të Sheshelit. Nuk kam asnjë antipati ndaj tij. Atij dhe familjes së tij u dëshiroj çdo të mirë”, u ka thënë Vuçiq gazetarëve në Beograd. Gjykata për Krime Lufte në Hagë, dje ka shpallur të pafajshëm Sheshelin, i cili akuzohet për krime kundër njerëzimit që lidhet me luftërat në Jugosllavi.
