Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarët e komunave të Kosovës kundërshtojnë dokumentin e propozuar nga Qeveria Kurti për financimin komunal për vitet 2025-2027. Drejtori i Asociacionit të Komunave të Kosovës, Sazan Ibrahimi, kritikoi Qeverinë dhe ministrin e Financave, Hekuran Muratin, për mos dërgimin paraprak të dokumentit te kryetarët e komunave. Ai theksoi se kjo është hera e parë që Ministria e Financave e bën një veprim të tillë, duke shprehur habinë për këtë mënyrë të veprimit. Komunave po iu merren mjetet padrejtësisht, pasi ato nuk janë pjesë e kontratave kolektive. Ai argumentoi se komunat do të dëmtohen në vlerë mbi 30 milion euro në vitet në vijim duke mos iu përkrahur kërkesat e tyre për financim. Për pasojat e kësaj situate, Ibrahimi theksoi se shumica e mjeteve të cilat po iu merren komunave janë të dedikuara për investime kapitale, duke bërë që ato të mos kenë mundësi të zbatojnë projekte të tilla. Raportet e auditimit për komunat dalin si raporte të kualifikuara, ndërsa komunat nuk munden të marrin pjesë në garën e skemës së performancës komunale.
