leoni

Kryetari Aliu priti skuadrën që zuri vendin e parë në garat shkollore të baskebollit

12/03/2019 Institucionet

Sukseset në sport po shënojnë një epokë të re të shembujve të të rinjve nga Kosova në Evropë. Një grup të tillë sportistësh të Gjimnazit “Kuvendi i Arbërit” bashkë me profesorin e tyre Shuajb Hajrullahu e priti në zyrën e tij, Kryetari i Komunës së Ferizajt, Agim Aliu i shoqëruar edhe nga drejtori i Drejtorisë së Arsimit, Afrim Llabjani. Ekipi i basketbollistëve zunë vendin e parë në garat shkollore në nivel republikan, me ç’rast të parit të Ferizajt, Agim Aliu ia sollën kupën e fitores në zyrën e tij. Kryetari i Ferizajt, Agim Aliu tha se sukseset e tilla bëjnë krenarë fillimisht familjen, shkollën, institucionet si dhe mbarë shoqërinë tonë. Ai duke i përgëzuar për suksesin basketbollistët e rinj, shtoi se edhe qeverisja lokale ka një program të veçantë masash dhe mbështetje për familjen, sportin e rekreacionin, investim ky i rëndësishëm në një shoqëri të shëndosh. Kapitenja e skuadrës së basketbollit, Agnesa Rrahmani, ish anëtarja e Përfaqësueses së Kosovës në basketboll në gjeneratën e saj, koshashënuesja e 5-të në Evropë në kategorinë e saj dhe gjithë mysafirët falënderuan të parin e Ferizajt, Agim Aliu për pritjen dhe mbështetjen e ofruar, duke siguruar këtë të fundit se do të angazhohen maksimalisht për rezultate të reja domethënëse.

Kontrolloni gjithashtu

Kryetari Kastrati ka uruar 1 Majin – Ditën e Punëtorëve

Kryetari i komunës së Malishevës, z. Ekrem Kastrati përmes një postimi në facebook ka uruar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara