Ferizaj përfitoi edhe dy projekte milionëshe infrastrukturore

12/03/2019 Institucionet

Se investimet në infrastrukturë gjatë qeverisjes së udhëhequr nga Kryetari i Komunës së Ferizajt, Agim Aliu po njohin standard të ri dhe ndërveprim më të intensifikuar me nivelin qendror është tashmë një fakt publik. Në ambientet e Ministrisë së Infrastrukturës, i pari i Ferizajt, Agim Aliu shoqëruar edhe nga deputeti i Kuvendit të Kosovës, Elmi Reçica, zëvendësministri i zhvillimit ekonomik, Xhavit Zariqi dhe nënkryetari i Ferizajt, Naim Ferati u pritën nga ministri i Infrastrukturës, Pal Lekaj me stafin e tij. Qëllimi i këtij takimi ishte nënshkrimi i marrëveshjes së financimit për dy projekte madhore për Ferizajn, ai i rikonstruimit të rrugës nga ura në Bibaj deri tek kyçja në autostradë që dinamizon përfundimisht zhvillimin e biznesit duke lidhur Ferizajn si qendër kryesore ekonomike me Republikën e Maqedonisë së Veriut si dhe projektin e asfaltimit të gjitha rrugëve në fshatin Jezerc që kompleton infrastrukturën e nevojshme bazike duke mundësuar kështu zhvillimin e turizmit duke hapur kapitullin e planifikimeve më të gjera e specifike për investime në këtë zonë turistike, veçanërisht në turizmin malor përkatësisht agroturizëm. Kryetari i Ferizajt, Agim Aliu falënderoi ministrin Lekaj për konsideratën në shpërndarjen e buxhetit të projekteve zhvillimore për Ferizajn dhe Kuvendin e Qeverinë së Republikës së Kosovës për vëmendjen si asnjëherë më parë në jetësimin e projekteve transformuese për jetën e qytetarëve ferizajas. Ferizaj është kthyer në kantier ndërtimi me projekte që po e transformojnë pozitivisht çdo ditë pamjen e qytetit dhe fshatrave, duke favorizuar një klimë të përshtatshme në të bërit biznes dhe lehtësuar jetën e qytetarëve.

Kontrolloni gjithashtu

Kryetari Haliti ka vizituar fshatin piktoresk Lubishtë

Kryetari i komunës së Vitisë Sokol Haliti, ka vizituar fshatin piktoresk Lubishtë të Vitisë, aty …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara