Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Hashim Thaçi ka anuluar ardhjen e simpatizantëve në Prishtinë për ta kremtuar zgjedhjen e tij në postin e kryetarit të Kosovës, që pritet të bëhet nesër në Kuvend. Njoftohet se anulimi i ardhjes së simpatizantëve të PDK-së, në Prishtinë është bërë me qëllim të shmangies së ballafaqimit të tyre me simpatizantë të partive opozitare, që po vazhdojnë të protestojnë kundër zgjedhjes së Hashim Thaçit në postin e kryetarit të vendit. Ftoj të gjithë simpatizantët, aktivistët dhe strukturat e PDK-së që të festojnë nëpër komunat e Kosovës pas votimit të Presidentit të Kosovës, ju ka thënë strukturave të partisë që drejton, Hashim Thaçi. Ai ka kërkuar nga strukturat e partisë që ky mesazh të përcillet te secili simpatizant, duke kërkuar një festë të madhe dhe të qetë.
