Kryetari Kastrati ndan mirënjohje për familjen e Januz Thaçit

16/06/2025 Institucionet

Në shenjë vlerësimi për kontributin e jashtëzakonshëm në mikpritje, bujari, humanizëm dhe fisnikëri, Kryetari i Komunës së Malishevës, z. Ekrem Kastrati, ka ndarë një mirënjohje për familjen e Januz Thaçit nga Shkupi, me prejardhje nga Shkarashniku i Malishevës.

Me motivacionin: “Për kontributin e madh të mikpritjes, bujarisë, humanizmit dhe fisnikërisë, si dhe për derën gjithmonë të hapur për banorët e Malishevës dhe të Kosovës për më shumë se gjysmë shekulli”, kjo mirënjohje u dorëzua në Ditën e Çlirimit të Malishevës, një datë e veçantë për kujtesën historike dhe nderimin e vlerave të lirisë.

Kryetari Kastrati e dorëzoi mirënjohjen pasardhëseve të familjes Thaçi, znj. Lumnije dhe znj.Kefsere Thaçi, të cilat u pritën sot në ambientet e komunës.

Në fjalën e tij, Kastrati shprehu falënderime të thella për familjen Thaçi, duke e cilësuar si një simbol të mikpritjes shqiptare, që në çdo kohë e veçanërisht gjatë periudhës së luftës së viteve 1998–1999, ka hapur dyert për familjet në nevojë dhe ka ofruar strehim e përkrahje pa kufizime.

Kontrolloni gjithashtu

Ferizaj shënon sot, Ditën e Shëndetësisë

Ferizaj shënon sot, Ditën e Shëndetësisë, me këtë rast kryetari i komunës së Ferizajt, z. …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara