Kryetari Kastrati priti në takim përfaqësues të EAA-së

Kryetari Kastrati priti në takim përfaqësues të Agjencisë Ndërqeveritare Evropiane

21/11/2025 Institucionet

Kryetari i Komunës së Malishevës, z.Ekrem Kastrati, gjatë javës ka pritur në një takim pune përfaqësuesin e EAA-së (Agjencia Ndërqeveritare Evropiane), z. Avnia Nasufoski, si dhe z. Safet Sadiku, zyrtar i kompanisë zvicerane “Planete Constructions SARL”. Në këtë takim ata shoqëroheshin nga z. Haxhi Berisha, përmes së cilit ata vizituan Komunën e Malishevës.

Qëllimi i këtij takimi ishte njoftimi i ndërsjellë lidhur me nevojat që ka Komuna e Malishevës për investime në furnizimin me ujë të pijes, si dhe me mundësitë që ofron kjo agjenci dhe kompania zvicerane për sigurimin e fondeve nga organizatat ndërkombëtare për investime në këtë fushë.

Kryetari Kastrati i falënderoi mysafirët për vizitën dhe interesimin e tyre dhe i njoftoi ata me gjendjen aktuale të furnizimit me ujë të pijes në Malishevë, përpjekjet që po bëhen për përmirësimin e saj, si dhe potencialin që ka komuna për zhvillimin e projekteve në këtë sektor.

Nga ana tjetër, z. Avnia Nasufoski, i cili njëherësh është edhe ambasador pranë OKB-së për 35 shtete afrikane në cilësinë e vëzhguesit, deklaroi se janë të interesuar të njihen nga afër me situatën në terren dhe me mundësitë konkrete për investime në furnizimin me ujë të pijes sipas standardeve bashkëkohore, si dhe në trajtimin e ujërave të ndotura.

Kontrolloni gjithashtu

Pensionohet ish-drejtori i Gjimnazit “Kuvendi i Lezhës”, Gaspër Demaj

Ish-drejtori i Gjimnazit “Kuvendi i Lezhës”, Gaspër Demaj, u përcoll sot në pension me një …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara