leoni

Kryetari Latifi dhe Ministri në detyrë Çeku, vizituan Qendrën për Kulturë, Arte dhe Inovacion

01/05/2025 Institucionet

Kryetari i komunës së Rahovecit z. Smajl Latifi dhe ministri në detyrë i Kulturës, Rinisë dhe Sportit, z. Hajrulla Çeku, vizituan Qendrën për Kulturë, Arte dhe Inovacion në Rahovec, ku nga afër përcollën ecurinë e punimeve. Kjo qendër pritet të jetë një hapësirë moderne për zhvillim kulturor, krijues dhe inovativ për të rinjtë e kësaj komune. Sipas kryetarit Latifi me ministrin Çeku kanë diskutuar për projektet prioritare që janë adresuar në MKRS, me theks të veçantë në përmirësimin e infrastrukturës sportive.

Ndër projektet e paraqitura janë:

Ndërtimi i stadiumit të qytetit në Rahovec, Krushë të Madhe dhe në Ratkoc

Ndërtimi i stadiumit ndihmës në Xërxë

Ndërtimi i palestrës sportive në Krushë të Madhe

Sallat e edukatës fizike për shkollat në Krushë të Madhe, Xërxë dhe Malësi të Vogël

Fushat sportive të hapura në disa vendbanime

Projekti “Rregullimi i terreneve sportive”

Renovimi i Palestrës Sportive “Mizahir Isma”

Restaurimi i objektit përkujtimor për 64 të masakruar në Krushë të Madhe.

Për stadiumin e qytetit, kryetari Latifi ka theksuar nevojën që t’iu mundësohet nisja e procedurave të tenderimit pa vonesa, në mënyrë që të jenë të koordinuar dhe të gatshëm për çdo hap të mëtejmë.

Përkushtimi i komunës mbetet i palëkundur që këto projekte të mos mbesin vetëm plane në letër, por të shndërrohen në realitet sa më parë.

Kontrolloni gjithashtu

Mbahet mbledhja e llI-të e Kuvendit të Komunës së Deçanit

U mbajt mbledhja e llI-të e Kuvendit të Komunës së Deçanit të cilën e kryesoj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara