Kryetari Sami Lushtaku mbajti takim me banorët e fshatrave të Bashkësisë Lokale të Likofcit

Gjatë bashkëbisedimit me banorët u diskutuan kërkesat dhe nevojat e tyre, me fokus të veçantë në çështjet që lidhen me infrastrukturën publike, përfshirë rrugët, kanalizimin, ndriçimin publik, trotuaret, si dhe nevoja të tjera me interes të përgjithshëm.

Banorët paraqitën propozimet dhe shqetësimet e tyre, të cilat Kryetari i Komunës i dëgjoi me vëmendje dhe u zotua se do të trajtohen me seriozitet, në përputhje me mundësitë dhe prioritetet e Komunës.

Takime të tilla janë të rëndësishme për forcimin e bashkëpunimit të drejtpërdrejtë me qytetarët dhe për orientimin e projekteve komunale sipas nevojave reale në terren.