Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosjes, Albin Kurti e ka cilësuar Ramush Haradinajn si destruktiv në përpjekjet e përbashkëta të opozitës. Në një intervistë dhënë për gazetën ‘Zëri’, ish-kryetari i Vetëvendosjes ka folur për shkaqet e prishjes së unitetit të opozitës së bashkuar. Ai është shprehur se AAK nuk ishte e gatshme për ndërtimin e alternativës, meqë sipas tij, ky subjekt nuk kishte parime, por vetëm interesa partikulare. Kurti ka bërë me dije se Vetëvendosje kishte pranuar kërkesën e AAK-së që në listën e përbashkët të përfaqësoheshin në mënyrë të barabartë, edhe pse Vetëvendosje është subjekti më i madh opozitar. Por, sipas tij, Haradinaj këmbëngulte që ta kishte ose mandatarin, ose bartësin e listës. “Por ne nuk mund ta pranonim një imponim të tillë”, ka theksuar deputeti, Albin Kurti.
