Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosjes, Albin Kurti, duke folur për vizitën e sekretarit amerikan të shtetit, John Kerry, në Tiranë, ka deklaruar se Amerika brengoset për gjendjen në vendin tonë, sepse populli i Kosovës është mirënjohës për mbështetjen amerikane. Shqipëria dhe Kosova duhet të thellojnë bashkëpunimin me SHBA-në. “Gjendja në Kosovë nuk është e mirë. Kerry vizitoi Prishtinën në fund të vitit të kaluar. E në fillim të këtij viti po viziton Tiranën”. “Kjo është një vizitë e rëndësishme edhe për vendin por edhe për kohën kur po ndodhë”. “Shumica e njohjeve të Kosovës nuk do të ndodhte pa SHBA-në dhe ne jemi falënderues për këtë”.
“Por shqiptarët duhet ta thellojnë aleancën pra të bëjnë bashkëpunim për të ardhmen dhe jo për të kaluarën”. “Shqipëria duhet të forcojë ushtrinë, e Kosova duhet të formojë ushtrinë. Prandaj, ne duhet të kemi më shumë bashkëpunim në çështjen e sigurisë”, tha Kurti. I pyetur se nëse kjo vizitë e Kerryt është mbështetje për zgjedhjen e Hashim Thaçit për president, Kurti tha se nuk beson se sekretari amerikan “përzihet” se kush do të duhej të ishte president i Kosovës.
