Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e komunës së Gjakovës Mimoza Kusari – Lila ka vendosur ta shkëpusë koalicionin me Partinë Demokratike të Kosovës për nivelin lokal, si dhe ka shkarkuar nënkryetarin e komunës dhe tre drejtorë të komunës së Gjakovës. Vendimi vjen si pasojë e rënies së vazhdueshme të performancës dhe dhënia e përparësisë përfitimeve politike e jo atyre të përgjithshme nga ana e drejtorëve të PDK-së. Kusari-Lila ka shkarkuar tre drejtorë të komunës së Gjakovës që vinin nga PDK-ja, drejtori për Punë Inspektuese, Gani Veseli, drejtori i Shërbimeve Publike, Shkumbin Kastrati dhe drejtoresha e Arsimit, Dijana Qarkaxhija. Po ashtu, ajo ka shkarkuar edhe nënkryetarin e Komunës, Ramadan Hoti. Për më tepër, Kusari-Lila ka bërë të ditur se ky vendim është efektiv nga dita e enjte, me ç’rast janë caktuar personat tjerë tek të cilët do të dorëzohen detyrat, thuhet në shkresën e kryetares së komunës së Gjakovës. Ndryshe, Kusari-Lila në zgjedhjet e 11 qershorit, duke garuar në listën e koalicionit LDK-AKR-Alternativa, sipas rezultateve preliminare nuk ka treguar rezultate të kënaqshme në Gjakovë.
