Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kushtrim Kadriu nga Lëvizja Vatra ka thënë se qytetarët e Kosovës Lindore janë vazhdimisht pre e mashtrimeve të liderëve të Kosovës. Ai ka thënë se qytetarët e tri komuanve shqiptare shfrytëzohen vetëm për vota nga liderët e Kosovës. “Gjithmonë i kanë parë vetëm si vota. Votat elektorale të banorëve të dëbuar janë përcaktuese të karriges së kryetarit të komunës së Gjilanit”, ka thënë Kadriu duke shtuar se nuk sheh përkushtim të vërtetë nga Kosova për bashkëngjitje të Luginës, por “vetëm llafe në aspektin elektoral”. Sipas tij, qytetarët e dëbuar nga Serbia janë rasti i vetëm në botë që janë pa shtetësi. Ai ka thënë se Serbia u kërkon kushte shtesë qytetarëve shqiptarë për shtetësi serbe, ndërsa i detyron të japin edhe dokumente që s’janë nën hetime, duke përjashtuar me fillim ushtarët e UÇPMB-së. Ai ka përmendur një premtim të kryeministrit Ramush Haradinaj për pajisjen e qytetarëve të dëbuar me dokumente identifikimi. Ky premtim, sipas tij, mbeti vetëm i tillë pa u ndërmarrë asnjë hap tjetër.
