Kuvendi i Komunës së Ferizajt mbajti mbledhjen e dytë të rregullt për këtë vit

03/03/2025 Institucionet

Kuvendi i Komunës së Ferizajt mbajti mbledhjen e dytë të rregullt për këtë vit ku u diskutuan dhe u miratuan një sërë çështjesh me rëndësi për qytetarët. Mbledhja u udhëhoq nga kryesuesi i Kuvendit Xhavit Zariqi me pjesëmarrjen aktive të anëtarëve të Kuvendit Komunal.

Gjatë kësaj mbledhjeje u votua rendi i ditës, i cili përfshinte nëntë pika të rëndësishme.

Pas miratimit të procesverbalit të mbledhjes së kaluar, si dhe votimit për planin e punës së Kuvendit për vitin 2025, kryesuesi z.Zariqi vazhdoi me rendin e ditës.

Po ashtu, në këtë mbledhje u bë propozimi i dy anëtarëve për Komisionin e ndarjeve të bursave për vitin shkollor 2024/2025. Partia Demokratike e Kosovës propozoi Elbasan Osmanin, ndërsa Lëvizja Vetëvendosje propozoi Naser Beqirin, duke reflektuar përfaqësimin e subjekteve politike në procesin e ndarjes së bursave për studentët.

Një tjetër çështje e rëndësishme që u diskutua ishte formimi i Komisionit për ndarjen e banesave. Ky komision do të përbëhet nga pesë anëtarë, ku tre prej tyre vijnë nga Ekzekutivi, ndërsa dy të tjerë nga partitë politike.

Kontrolloni gjithashtu

Kryetari Bashkim Ramosaj priti në takim përfaqësues të OSBE-së nga zyra rajonale në Pejë

Kryetari i komunës së Deçanit, z. Bashkim Ramosaj ka pritur të martën në takim në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara