Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e Kosovës dhe ato të Bashkimit Evropian kanë përafruar qëndrimet përkitazi me vazhdimin e mandatit të EULEX-it dhe kanë mbetur vetëm dy çështje në diskutim: afatizimi i mandatit dhe kalimi i lëndëve nga vendorët te ky mision. Vendimmarrja për të dyja çështjet ka kaluar në nivelin më të lartë politik. Prej muajsh, Prishtina dhe Brukseli janë duke zhvilluar negociatat për mandatin e EULEX-it. Për të diskutuar aspektet finale rreth mandatit, në fund të javës së shkuar ka qëndruar në Kosovë shefi i Operacioneve Civile të BE-së, Kenneth Dean. Bashkë me shefin e Zyrës së BE-së në Kosovë, Samuel Zbogar, dhe me shefin e EULEX-it, Gabrielle Meucci, ka takuar autoritetet kryesore. Takimi është zhvilluar në zyrën e kryetarit, Hashim Thaçi. Të pranishëm kanë qenë edhe krye parlamentari Veseli, kryeministri Mustafa, ministrat, Kuçi e Hyseni, kryetari i Gjykatës Supreme, Hasani, kryeprokurori Lumezi, si dhe përfaqësues të Këshillit Gjyqësor dhe të atij Prokurorial.
