Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Lahi Brahimaj, ka reaguar ashpër pas arrestimit të Lulzim Halilit nga shërbimi sekret serb BIA dhe policia serbe, duke bërë thirrje publike që ish-ushtarët e UÇK-së dhe pjesëtarët e forcave policore e të sigurisë të mos kalojnë përmes territorit të Serbisë. “Kjo është taktikë e Serbisë. Sa herë që Vuçiqi ka trazira, ndodh një arrestim. Po ia mbajnë zhagin njëri-tjetrit për me qëndru në pushtet”, deklaroi Brahimaj. Ai paralajmëroi rrezikun që paraqet kalimi nëpër Serbi për të gjithë ata që kanë pasur rol në mbrojtjen apo forcimin e shtetësisë së Kosovës. “Asnjë ushtar i UÇK-së të mos kalojë nëpër Serbi, e as forcat policore apo të sigurisë. Mos të kalojnë kah Serbia”, theksoi ai me tone të forta. Ndërkohë, sa i përket krizës politike në vend dhe bllokadës së konstituimit të Kuvendit, Brahimaj tha se AAK-ja është e gatshme të votojë për një kandidat tjetër për kryetar Kuvendi nëse partia fituese ndryshon propozimin aktual. “Në të kundërtën, qëndrimi ynë nuk ndryshon”, shtoi ai.
