Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktgjykimi i djeshëm i Gjykatës Kushtetuese për çështjen e presidentit nuk duket ta ketë ndryshuar qëndrimin e tri partive më të mëdha politike, duke rrezikuar rikthimin e Kosovës në zgjedhje të parakohshme. Deputetja e LDK-së, Jehona Lushaku-Sadriu, konfirmoi se partia e saj nuk pranon Glauk Konjufcën apo Fatmire Mulhaxha-Kollçakun si kandidatë për president dhe e konsideron Vetëvendosjen përgjegjëse për gjetjen e zgjidhjes. Kreu i LDK-së, Lumir Abdixhiku, vlerësoi vendimin e Kushtetueses si udhërrëfyes institucional, ndërsa kreu i PDK-së, Bedri Hamza, mohoi ftesën për takim nga kryeministri Albin Kurti dhe theksoi se çdo diskutim për kompromis duhet të kalojë përmes organeve të partisë. Nga ana tjetër, shefja e Grupit Parlamentar të Vetëvendosjes, Arbërie Nagavci, kritikoi dekretin e Presidentes Vjosa Osmani si të bazuar në inate personale dhe bëri thirrje për angazhim të plotë për zgjedhjen e Presidentit brenda 33 ditëve të ardhshme, për të shmangur një cikël të ri zgjedhjesh të parakohshme.
