Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mundësia për një koalicion të mundshëm ndërmjet Lëvizjes Vetëvendosje dhe Lidhjes Demokratike të Kosovës ka marrë përgjigje negative. Deputeti i LDK-së, Lutfi Haziri, e konfirmoi sonte refuzimin përfundimtar të kësaj ideje. Haziri tha se qëndrimi i partisë së tij ka qenë i qartë dhe i pandryshuar qysh nga parafushata zgjedhore. Ai shtoi se përgjigjja e LDK-së ndaj ftesës për bashkëpunim është dhënë me shkrim, duke nënvizuar se takimet jozyrtare nuk i ndihmojnë këtij procesi. “Bashkëpunimi mes LDK-së dhe VV-së ka pas histori të mirë deri në formimin e Qeverisë, pastaj ka degraduar deri në protesta rrugësh. E kemi përjetuar të dy anët e medaljes së bashkëpunimit”, tha Haziri, duke shtuar se konsistenca e LDK-së ka mbetur e njëjtë. Ai i bëri thirrje VV-së si parti fituese që të veprojë në përputhje me rezultatin zgjedhor: “Je parti e parë – puno me kë të duash dhe implemento rezultatin e zgjedhjeve”.
