Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, është deklaruar para mediave pas përfundimit të Kuvendit të punës së LDK-së, ku pas një procesi disaorësh diskutimesh dhe një votimi të fshehtë, ka marrë votëbesimin për të vazhduar udhëheqjen e partisë. Abdixhiku e cilësoi procesin si një shembull të kulturës politike dhe theksoi se ballafaqimi me votëbesim pas ofrimit të dorëheqjes përbën një standard të rrallë në skenën politike të Kosovës. Sipas tij, mbi shtatë orë debat i hapur dhe konstruktiv kanë rezultuar në atë që e quajti “demokraci maksimale” brenda një partie politike. Ai falënderoi delegatët për pjesëmarrjen dhe kontributin e tyre, duke vlerësuar si mbështetjen ashtu edhe kundërshtimet e shprehura gjatë procesit. Abdixhiku u zotua se do të punojë për ruajtjen e unitetit në parti dhe për sinqeritet ndaj qytetarëve dhe vlerave themelore të LDK-së. Në fjalimin e mbajtur gjatë Kuvendit të punës, Abdixhiku iu referua edhe kritikave dhe kërkesave për përgjegjësi lidhur me rezultatin zgjedhor, duke theksuar rëndësinë e debatit të brendshëm në funksion të reformimit dhe forcimit të partisë.
