Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, ka reaguar pas dështimit të Kuvendit për të zgjedhur nënkryetarin nga komuniteti serb, duke e cilësuar këtë situatë si shembull tipik të pasojave të populizmit. “Gjendja e tanishme është shembulli më i mirë se ku të sjellë çmenduria e populizmit. Është bllokuar një Kosovë e tërë për shkak të një pozite tërësisht të parëndësishme të nënkryetarit të pestë të Kuvendit”, tha Abdixhiku pas seancës. Gjatë seancës së së shtunës, kandidatja e parë Miljana Nikoliq nuk arriti të marrë asnjë votë për, ndërsa 52 ishin kundër dhe 24 abstenime. I njëjti rezultat u përsërit në tre raunde. Edhe kandidati tjetër, Igor Simiq, mori zero vota për, 54 kundër dhe 22 abstenime. Ndërkaq, kandidati i preferuar nga Vetëvendosja, Nenad Rashiq, siguroi 56 vota për, pa asnjë kundër, ndërsa 21 deputetë abstenuan.
