Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori Rajonal i Policisë në Gjakovë, Lumni Graishta, ka reaguar pas arrestimit të katër shtetasve serbë të dyshuar për përfshirje në aktivitete destabilizuese në Kosovë. Ai ka lavdëruar punën e Policisë së Kosovës dhe ka theksuar se djemtë dhe vajzat që shërbejnë atdheut kanë triumfuar përballë strukturave shtetërore kriminale serbe. Graishta ka theksuar rëndësinë e zbulimit dhe parandalimit të operacioneve të këtyre grupeve, duke lavdëruar vigjilencën dhe angazhimin e Policisë së Kosovës në shërbim të sigurisë dhe stabilitetit të vendit. Ai ka falënderuar çdo anëtar të Drejtorisë Rajonale të Policisë në Gjakovë për punën e palodhur dhe përkushtimin ndaj atdheut. Në kuadër të operacionit të përbashkët të organeve të rendit, katër shtetas serbë u arrestuan në Gjakovë, ndërsa 12 të tjerë u kapën në Prizren. Ky operacion është konsideruar si një veprim i suksesshëm në parandalimin e aktiviteteve të grupeve kriminale që kanë pasur për qëllim destabilizimin e Kosovës.
