Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, kryetari i komunës së Rahovecit Smajl Latifi, së bashku me familjarë të dëshmorëve, veteranë, invalidë, bashkëveprimtarë dhe bashkëluftëtar, bënë nderime në 25 vjetorin, i cili iu kushtohet dëshmorëve të kombit Arian Brahimi-‘SHKODRANI’, luftëtar i shquar nga Shkodra, Mizahir Isma, veprimtar dhe luftëtar i madh atdhetar nga Rahoveci, Bekim Isma, luftëtar i guximshëm nga Rahoveci dhe Esherefedin Kastratit, luftëtar i orëve të para nga Drenoci. Shkëmbi mbi Rahovec, që nga data 17 deri më datë 21 korrik 1998 u kthye në një kala me bedena që mbrohej me forcën dhe zemrën e luftëtarëve trima të UÇK-së. Vepra e këtyre bijve trima, madhështinë dhe forcën e këtij “KËRSHI’ e kthyen në simbol të krenarisë, ku bashkëjetojnë: KALAJA MADHËSHTORE me gurë, amfiteatri i bukur me gurë, platoja me rrasa guri, pllakat prej mermeri me fotografitë e dëshmorëve, shtylla e fortë metalike- ‘SHTIZA’, ku valon i lirë flamuri ynë kuq e z, simboli i UÇK-së. Janë edhe shtigjet e ecjes, rruga e asfaltuar, terreni sportiv, lojrat për fëmijë si dhe të mira të tjera që e bëjnë sa të bukur, po aq edhe madhëshor këtë kompleks përkujtimor historik. Nderim dhe lavdi për dëshmorët që ranë në këtë shkëmb në mbrojtje të Rahovecit e po nga ky shkëmb u bënë vet gurët e kalasë së lirisë!
