Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
PROGRAMI I FILMIT “4 TREGIME NGA ARKIVI SHQIPTAR”
Data: 24, 25, 28 dhe 29 Korrik 2017
Ora: 21:00
Vendi: Kino Lumbardhi
Fondacioni Lumbardhi në bashkëpunim me Arkivin Qendror Shtetëror të Filmit kanë kënaqësinë të ju ftojnë në prezantimin e programit të filmit “4 Tregime nga Arkivi Shqiptar” të kuruar nga Ana Grgić dhe prezantuar nga Julian Bejko.
Në katër seanca që do të mbahen në javën e fundit të Korrikut, i ndajmë katër tregime nga Arkivi Shqiptar i Filmit që na çojnë në Shqipërinë e viteve 70′, një dekadë të turbullt për popullin dhe shtetin e saj. Filmi i parë është Kapedani, një komedi/satirë mbi rolin e gruas dhe komentim mbi sfidad kryesore shoqërore e Shqipërisë moderne progresive gjatë regjimit të Hoxhës, i cili ballafaqohet me të kaluarën tradicionale dhe patriarkale. I dyti, Rrugë të Bardha, është shembull i figurës së martirit socialist të punës, idea e punëtorit që e sakrifikon veten për të mirën e përgjithshme të kombit, një element ideologjik prezent edhe në regjime tjera socialiste. I treti, Tomka dhe shokët e tij, një film për fëmijët apo një fim i fëmijëve, tregim i një grupi të fëmijëve Shqiptar që i rezistojnë okupimit Gjerman gjatë Luftës së Dytë Botërore, një film që përmban elemente propagande po aq sa estetikë impresive neo-realiste, drejtuar nga regjisorja më e famshme femër e epokës së Kinostudios, Xhanfise Kekos. I katërti, Gjeneral Gramafoni, përmban një kritikë të kapitalizmit përtej punës strikte, ndërsa i vendos në ballafaqim nocione si të civilizuar-të prapambetur, të kultivuar-barbarë, etj.
Katër filma shumë të ndryshëm, por të prodhuar në një epokë që sinjalizoi ndryshime të mëdha politike dhe shoqërore për Shqipërinë, janë të gjitha dëshmi e interesimit të Hoxhës në film si një mjet i fuqishëm për bashkëdyzimin e kulturës dhe edukimit për qëllime propagandistike.
Për t’i kontekstualizuar filmat dhe prezantuar ato, në dy seancat e para do të merr pjesë profesori Julian Bejko nga Universiteti i Tiranës. Filmat shfaqen në kuadër të programeve speciale të filmit të Kino Lumbardhit. Për realizimin e këtij programi, Fondacioni Lumbardhi e falenderon Albanian Cinema Project, DokuFest dhe Titron.
Orari i filmave:
24 Korrik, e Hënë
21:00 Kapedani / The Captain (1972, regj. Muharrem Fejzo)
25 Korrik, e Martë
21:00 Rrugë të Bardha / White Roads (1974, regj. Viktor Gjika)
28 Korrik, e Premte
21:00 Tomka dhe shokët e tij / Tomka and His Friends (1977, regj. Xhanfise Keko)
29 Korrik, e Shtunë
21:00 Gjeneral Gramafoni / The General Gramophone (1978, regj. Viktor Gjika)
Malbora Krajku
