Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Mark Rutte, ka kritikuar retorikën e zyrtarëve serbë ndaj Kosovës, duke kërkuar përmbajtje dhe përgjegjësi më të madhe nga Serbia në raport me stabilitetin rajonal. Në adresimin e tij më 26 maj para Asamblesë Parlamentare të NATO-s, Rutte i kërkoi përfaqësuesit serb që të ndalojë përdorimin e termit “regjimi në Prishtinë”, duke e cilësuar këtë gjuhë si të padobishme dhe nxitëse. “Serbia është vendi më i madh në rajon. Kemi nevojë për lidershipin tuaj. Por përmbahuni nga kjo retorikë”, theksoi ai. Rutte nënvizoi rolin qendror të KFOR-it si garanci për paqen në Kosovë dhe tha se NATO do të sigurohet që forcat e saj të jenë gjithmonë të përgatitura dhe të pajisura. Rutte përmendi edhe takimin e tij të fundit me presidentin serb, Aleksandar Vuçiq, duke kujtuar domosdoshmërinë që autorët e sulmit në Banjskë dhe incidenteve tjera gjatë 2023 të mbahen përgjegjës.
