Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 26-vjetorin e Çlirimit të Kosovës, ministri çek për Çështjet Evropiane, Martin Dvorak, ka bërë një vlerësim kritik të zhvillimeve të brendshme politike dhe rrugës së Kosovës drejt Bashkimit Evropian. Në një intervistë për Radion Evropa e Lirë, Dvorak – ish-administrator i OKB-së në komunën e Burimit dhe autor i librit “Kosova nën lëkurën time” – theksoi se vendi ka bërë përparim të jashtëzakonshëm në infrastrukturë, por mbetet peng i “mendësisë së pasluftës” dhe i mungesës së gatishmërisë për kompromis me komunitetin serb. “Retorika agresive dhe mungesa e vullnetit për dialog po e dëmtojnë imazhin e Kosovës në BE,” tha ai, duke shtuar se “pa kompromis nuk ka anëtarësim në Bashkimin Evropian”. Ai u bëri thirrje institucioneve të Prishtinës që të dërgojnë sinjale pozitive në Bruksel dhe të rifillojnë dialogun me Serbinë në një frymë të re bashkëpunimi. Dvorak përkujtoi periudhën kur shërbeu në Kosovë pas luftës (1999–2002), duke e cilësuar atë si “periudhën më të frytshme dhe më të suksesshme të jetës sime”. Mesazhi i Dvorakut është i qartë: vetëm përmes qetësimit të retorikës, ndërtimit të besimit dhe përkushtimit ndaj vlerave evropiane, Kosova mund të ecë me hapa të sigurt drejt integrimit euroatlantik.
