leoni

Mbahet mbledhja e Këshillit Komunal për Siguri në bashkësi, e treta për Vitin 2023

06/06/2023 Institucionet

Mbahet mbledhja e Këshillit Komunal për Siguri në bashkësi, e treta për Vitin 2023. Kryesuesi i mbledhjes, Kryetari i Komunës së Rahovecit, z. Smajl Latifi, theksoi se situata e përgjithshme në Komunën e Rahovecit në bazë të argumenteve dhe burimeve që i posedojmë është stabile, e pacenueshme, e qetë dhe pa ndonjë ndryshim të theksuar nga takimi i fundit i mbledhjes së KKSB-së.

Në këtë mbledhje u diskutua rreth çështjeve:

  • Prishja e qetësisë publike;

  • Raportimin e shkeljeve ligjore;

  • Përgatitjet për pritjen e bashkatdhetarëve;

  • Për punishtet në terren;

  • Për sigurinë në trafik;

  • Ndriçimi publik;

  • Ndërtimet pa leje;

  • Toleranca zero ndaj nxitjes së urrejtjes;

  • Mbrojtja e konsumatorit;

  • Mbrojtja e lumenjve që rrjedhin – ndalimi i hedhjes së mbeturinave;

  • Përpjekja intensive për ushqim më cilësor me siguri me të lartë (siguria dhe kontrolli i produkteve ushqimore, vendosja e flamurit të origjinës dhe vendosja e çmimeve në produkte ushqimore).

  • Problemet e mundshme ndëretnike;

Komandanti i stacionit policor në Rahovec, z. Fazli Morina, si zakonisht shpalosi raportin mujor me statistika si në vijim: Kanë ndodhur 60 raste të veprave penale. Ka ndodhur një rast i vjedhjes, një rast i substancave narkotike, një rast për zotërim të armëve pa leje dhe një rast të nxitjes së urrejtjes. 6 raste të dhunës në familje dhe janë arrestuar për mbajtje 48 orë, 8 persona. Sa i përket sigurisë në komunikacion rrugor; Janë dhënë 584 gjoba në komunikacion rrugor, 143 prej tyre janë shqiptuar për parkingje joadekuate. Kanë ndodhur 14 raste të aksidenteve me lëndime në komunikacion, me fatalitet për fat të mirë, asnjë. Rreth sigurisë në shkolla, janë zhvilluar disa ligjërata teorike dhe praktike me rreth 80 nxënës prej klasës 5 deri në klasën e 8-të. Prej shkollave janë raportuar 4 raste incidente. Në fund të mbledhjes, kryetari Latifi falënderoi të gjithë anëtarët e këshillit për kontributin, dinamikën dhe angazhimin për punën e bërë.

Kontrolloni gjithashtu

Komuna e Rahovecit organizon konsultimin publik për Agjendën e Kontratës Sociale

Duke u bazuar në Ligjin Nr. 03/L-040, për Vetëqeverisje Lokale, Statutin e Komunës së Rahovecit. …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara