Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbi 1.300 kontrata njëburimore të lidhura gjatë katër viteve të fundit në Kosovë janë duke u hetuar nga prokuroria për korrupsion. Vlera e tyre tejkalon 272 milionë euro. Këto procedura janë cilësuar si një burim kryesor korrupsioni nga ekspertët e drejtësisë, duke ngritur shqetësime për favorizime në bazë të lidhjeve familjare e jo meritave. Debati për kontratat njëburimore ka përfshirë ministrin e Financave, Hekuran Murati, dhe deputeten e LDK-së, Hykmete Bajrami, e cila kërkoi sqarime për këto kontrata si kryetare e Komisionit për Mbikëqyrjen e Financave Publike. Z. Murati ka akuzuar opozitën dhe prokurorinë për manipulime dhe mosveprim, ndërsa reagimi i tij është kritikuar nga Këshilli Prokurorial i Kosovës dhe Zyra e Kryeprokurorit të Shtetit, të cilat kërkuan që qeveria të mos pengojë punën e drejtësisë.
