Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më shumë se 350 minatorë të ndërrimit të parë nuk kanë hyrë sot fare në horizontet e minierës së Trepçës në Stantërg, ndërsa këmbëngulin rikthimin në punë pasi t’i marrin pagat. Lajmin e ka bërë të ditur Gani Osmani, kryetar i Sindikatës së punëtorëve të kësaj ndërmarrje. Sipas tij, punëtorët janë të vendosur që mos të vazhdojnë punën deri sa të bëhen pagat. Edhe ushtruesi i detyrës së drejtorit të minierës me flotacion në këtë ndërmarrje, Nexhat Dedia, ka konfirmuar për KosovaPress bojkotimin e punës nga ana e minatorëve. Ai theksoi se prodhimi ka shkuar me rregull, koncentrati nga mjetet e të cilit minatorët i marrin pagat është shitur, dhe tani janë në pritje. Dedia u shpreh optimist se Kompania zvicerane e cila blen koncentratin nga Trepça, do ta kryej obligimin financiar gjatë ditës, në mënyrë që minatorët sa më parë të vazhdojnë punën e tyre në minierë./kp/
