Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 20 tetor, në orën 12:30, në ambientet e Telemjekësisë në Shërbimin e Mjekësisë Nukleare, do të përurohet libri me titull “24 orët e kujdesit mjekësor dhe rrëfimet e përditshme”, i autores Luljeta Z. Abdullahu, specialiste e Mjekësisë Nukleare.
Luljeta Z. Abdullahu është gruaja e parë në Kosovë që ka ndjekur specializimin në Mjekësi Nukleare në rrethana të vështira profesionale e institucionale, duke u bërë një nga themelueset e këtij shërbimi jetik në vend. Kontributi i saj shumëvjeçar ka qenë thelbësor në ngritjen e kapaciteteve diagnostike moderne në shëndetësi.
Ngjarja pritet të mbledhë përfaqësues të institucioneve shëndetësore, kolegë mjekë, studentë dhe dashamirë të fjalës së shkruar, në një aktivitet që bashkon dimensionin shkencor me atë njerëzor të profesionit mjekësor.
